რქაწითელი წინანდალიდან

რით არის გამორჩეული ვარდიაშვილის „რქაწითელი წინანდალიდან“:

წინანდლის მიკროზონის ცენტრში (ადგილწარმოშობის დასახელება – დაცული PDO) მდებარე 60-80 წლის ვენახები. ამ სპეციფიკურ ვენახში უნიკალური რქაწითელის ყურძენი შემდეგი მიზეზების გამო იზრდება:

1) წინანდლის მიკროზონა გამოირჩევა განსაკუთრებული ნიადაგით, რომელიც რქაწითელის ვაზს საშუალებას აძლევს, მაქსიმალურად გამოავლინოს თავისი პოტენციალი და გამოისხას ინტენსიური სტრუქტურისა და კომპლექსური არომატების მქონე ყურძენი. წინანდლის მიკროზონა ხასიათდება ნიადაგში დაბალი PH-ით, რაც საშუალებას აძლევს ამ ტერუარის რქაწითელის ყურძნისგან დაყენებულ ღვინოს, განავითაროს მაღალი ტიტრული მჟავიანობა და ამით გაამდიდროს ღვინო ხანგრძლივი, ხალისიანი ციტრუსის ნოტებით.

2) ამ ვენახში ყურძენი ნატურალურად, მავნე ქიმიკატების გამოყენების გარეშე იზრდება.

3) ვაზის სიძველიდან გამომდინარე, ფესვები ღრმად არის ჩასული ნიადაგში, რაც ვაზს საშუალებას აძლევს, მაქსიმალურად შეითვისოს მრავალფეროვანი მინერალები. მეორეს მხრივ, ძველი ვაზი ნაკლებ ყურძენს ისხამს, რის გამოც ყურძნის ხარისხი უმაღლესია.

ღვინოს აქვს ოქროსფერი, კრისტალურად სუფთა შეფერილობა. იგი გამოირჩევა ტროპიკული ხილის რბილი, ხავერდოვანი გემოთი და ხანგრძლივი ციტრუსული დაბოლოებით. ვარდიაშვილის „რქაწითელი ცინანდალიდან“ დაძველებულია მუხის კასრებში, რის შედეგადაც ღვინო ვანილისა და ნუშის არომატებით არის გამდიდრებული. მუხის რბილი ნოტები და მწიფე თეთრი ხილის არომატები ხალისიან მჟავიანობასთან ერთად ღვინის ჰარმონიულ ხასიათს ქმნის.