მუკუზანი

რით არის გამორჩეული მუკუზანი ვარდიაშვილი:

ჩვენი საფერავის ვენახი მდებარეობს მუკუზნის მიკროზონაში. ეს ტერუარი გამოირჩევა შედარებით მაღალი PH-ის ნიადაგით და საფერავის ვაზისთვის აუცილებელი მინერალების სიუხვით. სწორედ ამიტომ, აქ მოყვანილი საფერავის ყურძენი გამოირჩევა მაღალი ხარისხითა და უნიკალური გემოვნური თვისებებით.

ღვინო იწარმოება ბუნებრივი მეთოდით. წარმოების პროცესში არ გამოიყენება ქიმიკატები. გარდა ამისა, ყურძნის ფერმენტაცია ხდება ბუნებრივ საფუარზე, რაც ინარჩუნებს ღვინის უნიკალურ არომატებსა და ხასიათს.

ეს ღვინო წარმოადგენს ქართული და ფრანგული მეღვინეობის ტექნოლოგიების მეგობრობის კარგ მაგალითს. საფერავის ყურძენი ტრადიციული წესით ქვევრში დუღდება, მაგრამ შემდეგ ღვინო ფრანგულ მუხის კასრებში ძველდება. მუხის კასრები არბილებს ღვინოს და მატებს სასიამოვნო, ხავერდოვან ვანილისა და შავი შოკოლადის არომატებს.

ფრანგული მუხის კასრებიდან მიღებული ვანილისა და შოკოლადის არომატები, ჯიშურ მაყვლის გემოსა და რბილ ტანინებთან ერთად, ქმნის სრულტანიან წითელ ღვინოს, რომელიც იდეალურად შეეფერება შემწვარ ხორცს, სტეიკს, გრილზე მომზადებულ ორაგულს და სხვ.

მუკუზანი ვარდიაშვილმა მოიპოვა ჯილდო Sommelier’s Choice Award.