რქაწითელი ქვევრი

რით არის გამორჩეული რქაწითელი ვარდიაშვილი:

ვაზისუბნის მიკროზონის ცენტრში მდებარე 80 წლის ვენახი. ამ სპეციფიკურ ვენახში უნიკალური რქაწითელის ყურძენი სამი ძირითადი მიზეზის გამო იზრდება:

1) ვაზისუბნის მიკროზონა გამოირჩევა განსაკუთრებული ნიადაგით, რომელიც რქაწითელის ვაზს საშუალებას აძლევს, მაქსიმალურად გამოავლინოს თავისი პოტენციალი და გამოისხას ინტენსიური სტრუქტურისა და კომპლექსური არომატების მქონე ყურძენი.

2) ამ ვენახში ყურძენი ნატურალურად, მავნე ქიმიკატების გამოყენების გარეშე იზრდება.

3) ვაზის სიძველიდან გამომდინარე, ფესვები ღრმად არის ჩასული ნიადაგში, რაც ვაზს საშუალებას აძლევს, მაქსიმალურად შეითვისოს მრავალფეროვანი მინერალები. მეორეს მხრივ, ძველი ვაზი ნაკლებ ყურძენს ისხამს, რის გამოც ყურძნის ხარისხი უმაღლესია.

ღვინო იწარმოება ბუნებრივი მეთოდით. წარმოების პროცესში არ გამოიყენება ქიმიკატები. გარდა ამისა, ყურძნის ფერმენტაცია ხდება ბუნებრივ საფუარზე, რაც ინარჩუნებს ღვინის უნიკალურ არომატებსა და ხასიათს.

ღვინო სრული ტანით გამოირჩევა და შეიცავს ჩირის, კარამელის, ვარდის მურაბისა და სხვა რბილ, ხანგრძლივ არომატებს.

რქაწითელი ვარდიაშვილს მიღებული აქვს მრავალი ქართული და საერთაშორისო ჯილდო.

• 2022 წელს, რქაწითელი ვარდიაშვილმა IWSC-ის საერთაშორისო ღვინის კონკურსზე ოქროს მედალი მოიპოვა.
• გასულ წელს კი ჩვენი რქაწითელის მომდევნო მოსავალმა იმავე კონკურსზე ვერცხლის მედალი აიღო.
• 2023 წელს, რქაწითელი ვარდიაშვილი მონაწილეობდა გერმანიაში გამართულ ქართული ღვინის ფართომასშტაბიან დეგუსტაციაში, რომელიც ჩაატარა Falstaff-მა, ღვინის სფეროში ერთ-ერთმა ყველაზე პრესტიჟულმა გამომცემლობამ. იქ 150 ქართული ღვინო დააგემოვნეს და რქაწითელი ვარდიაშვილმა უმაღლესი შეფასება მიიღო და პირველი ადგილი დაიკავა.