საფერავი ქვევრის

რით არის გამორჩეული საფერავი ვარდიაშვილი:

ჩვენი საფერავის ვენახი მდებარეობს მუკუზნის მიკროზონაში. ეს ტერუარი გამოირჩევა შედარებით მაღალი PH-ის ნიადაგით და საფერავის ვაზისთვის აუცილებელი მინერალების სიუხვით. სწორედ ამიტომ, აქ მოყვანილი საფერავის ყურძენი გამოირჩევა მაღალი ხარისხითა და უნიკალური გემოვნური თვისებებით.

ღვინო იწარმოება ბუნებრივი მეთოდით. წარმოების პროცესში არ გამოიყენება ქიმიკატები. გარდა ამისა, ყურძნის ფერმენტაცია ხდება ბუნებრივ საფუარზე, რაც ინარჩუნებს ღვინის უნიკალურ არომატებსა და ხასიათს.

საფერავი ვარდიაშვილი ტრადიციული ქართული სრული ტანის წითელი ღვინის კარგი მაგალითია. საფერავი ვარდიაშვილი ტრადიციულად ქვევრში ძველდება. ის ხასიათდება რბილი და დაბალანსებული ჯიშური ხილის არომატებით.

საფერავი ვარდიაშვილს მიღებული აქვს მრავალი ქართული და საერთაშორისო ჯილდო. გასულ წელს, საფერავი 2021 ვარდიაშვილმა საერთაშორისო ღვინის დაჯილდოებაზე (International Wine Award) ვერცხლის მედალი მიიღო.

2023 წლის დეკემბრის დასაწყისში, ვარდიაშვილის საფერავი 2021-მა IWSC-ის ღვინისა და სპირტიანი სასმელების საერთაშორისო კონკურსზე ოქროს მედალი მოიპოვა. კონკურსში 521 სხვადასხვა ღვინო მონაწილეობდა და მათგან მხოლოდ 18-მა მიიღო 95+ ქულა და მოიპოვა ოქროს მედალი. ვარდიაშვილის საფერავი მათ შორის იყო.